‘സേർച്ച് കമ്മിറ്റിയിലേക്കുള്ള നോമിനിയെ സെനറ്റ് ഒരു മാസത്തിനകം നൽകണം’

കൊച്ചി ∙ കേരള സർവകലാശാല വിസി നിയമനത്തിനുള്ള സേർച് കമ്മിറ്റിയിലേക്കുള്ള നോമിനിയെ സെനറ്റ് ഒരു മാസത്തിനകം നൽകണമെന്ന് ഹൈക്കോടതി. ഈ സമയപരിധിയിൽ നോമിനിയെ നൽകിയില്ലെങ്കിൽ ചാൻസലർക്കു നിയമപ്രകാരം നടപടിയെടുക്കാം. നോമിനിയെ നൽകിയാൽ അതുകൂടി ഉൾപ്പെടുത്തി കമ്മിറ്റി രൂപീകരിച്ചു ചാൻസലർ വിജ്ഞാപനം ഇറക്കണമെന്നും കോടതി നിർദേശിച്ചു.

കമ്മിറ്റിയിലേക്കുള്ള നോമിനിയെ നൽകുന്നില്ലെങ്കിൽ സെനറ്റ് പിരിച്ചുവിടാൻ ചാൻസലറോടു നിർദേശിക്കണമെന്ന് ആവശ്യപ്പെട്ടു സെനറ്റ് അംഗമായ എസ്. ജയറാം നൽകിയ ഹർജിയിലാണു ജസ്റ്റിസ് ദേവൻ രാമചന്ദ്രന്റെ വിധി.

English Summary: High court of Kerala University VC search committee