‘ചേർത്തുപിടിച്ച് കവിളിലൊരു ഉമ്മ..’: സ്നേഹത്തോടെ പ്രിയങ്കയും രാഹുലും - വിഡിയോ

ന്യൂഡൽഹി∙ ഭാരത് ജോഡോ യാത്രയ്ക്കിടെ കോൺഗ്രസ് നേതാവ് രാഹുൽ ഗാന്ധി, സഹോദരിയും എഐസിസി ജനറല്‍ സെക്രട്ടറിയുമായ പ്രിയങ്ക ഗാന്ധിയെ ചേർത്തുപിടിച്ച് ചുംബിക്കുന്നതിന്റെ ദൃശ്യങ്ങൾ വൈറൽ. ഒൻപതു ദിവസത്തെ ഇടവേളയ്ക്കു ശേഷം പുനഃരാരംഭിച്ച യാത്രയെ ഉത്തർപ്രദേശിലെ ലോണിയിൽ പ്രിയങ്കയുടെ നേതൃത്വത്തിൽ സ്വീകരിക്കുമ്പോഴായിരുന്നു സഹോദരങ്ങൾ തമ്മിലുള്ള സ്നേഹപ്രകടനം. രാഹുൽ ഗാന്ധി, പ്രിയങ്കയെ ചേർത്തുപിടിക്കുകയും സ്നേഹത്തോടെ ചുംബിക്കുന്നതുമാണ് ദൃശ്യങ്ങളില്‍.

നേരത്തേ, കോൺഗ്രസിന്റെ 138–ാം സ്ഥാപകദിനം ആഘോഷങ്ങളുടെ ഭാഗമായി ന്യൂഡൽഹിയിലെ എഐസിസി ആസ്ഥാനത്ത് നടന്ന ചടങ്ങിനിടെ അമ്മ സോണിയ ഗാന്ധിയെ രാഹുൽ ഗാന്ധി ഓമനിക്കുന്നതിന്റെ ദൃശ്യങ്ങളും വൈറലായിരുന്നു.

English Summary: Rahul Gandhi hugs and kisses sister Priyanka Gandhi during Bharat Jodo Yatra