ആലുവ റെയിൽവേ പാലത്തിൽനിന്നു പുഴയിൽ വീണതു റെയിൽവേ ഉദ്യോഗസ്ഥൻ; മൃതദേഹം കണ്ടെത്തി

കൊച്ചി∙ ആലുവ റെയിൽവേ പാലത്തിൽ ഓടുന്ന ട്രെയിനിൽനിന്നു പെരിയാറിൽ വീണതു പാലക്കാട് സ്വദേശിയായ റെയിൽവേ ഉദ്യോഗസ്ഥൻ. റെയിൽവേ ടെക്നീഷ്യൻ മങ്കര കണ്ണമ്പരിയാരം വെള്ളറോഡ് കൊന്നയത്ത് വീട്ടിൽ കെ.കെ.രതീഷ് കുമാർ (42) ആണ് മരിച്ചത്. ഉച്ചയ്ക്കു ശേഷം 2.05ന് ആലുവയിൽനിന്ന് എടുത്ത ട്രെയിൻ മംഗളപുഴയുടെ നടുക്ക് എത്തിയപ്പോഴാണ് സംഭവം.

യാത്രക്കാർ അറിയിച്ചതിനെ തുടർന്നു ഫയർഫോഴ്സും പൊലീസും സ്ഥലത്തെത്തി നീന്തൽ വിദഗ്ധരുടെ സഹായത്തോടെ നടത്തിയ തിരച്ചിലിൽ മൃതദേഹം കണ്ടെത്തി. ഇയാളുടെ തിരിച്ചറിയൽ കാർഡിൽനിന്നാണ് മൃതദ്ദേഹം തിരിച്ചറിയുന്നത്. പോസ്റ്റുമോർട്ടത്തിനായി ആലുവ ജനറൽ ആശുപത്രിയിലേക്കു മാറ്റിയിട്ടുണ്ട്. ടെയിനിൽനിന്നു പെൺകുട്ടി പുഴയിലേക്കു വീണതായാണ് ദൃക്സാക്ഷികൾ ഉദ്യോഗസ്ഥരെ അറിയിച്ചത്. ഇതിന്റെ അടിസ്ഥാനത്തിലായിരുന്നു ഫയർഫോഴ്സ് ഉദ്യോഗസ്ഥർ എത്തി അന്വേഷണം ആരംഭിച്ചത്.

English Summary: Man Falls Into River From Train At Aluva