പാര്‍ട്ടിയില്‍നിന്ന് ആരെയും ഒഴിവാക്കില്ല; കുട്ടനാട് സിപിഎമ്മില്‍ അനുരഞ്ജനം

ആലപ്പുഴ ∙ കുട്ടനാട് സിപിഎമ്മിലെ വിഭാഗീയതയ്ക്ക് പരിഹാരമായേക്കും. പരാതികള്‍ അതത് ഘടകങ്ങളില്‍ ചര്‍ച്ച ചെയ്യാനാണു നിര്‍ദേശം. പരിഹരിക്കാനാകാത്ത പരാതികളില്‍ ജില്ലാ കമ്മിറ്റി തീരുമാനമെടുക്കും. പരാതിയുടെ പേരില്‍ പാര്‍ട്ടിയില്‍നിന്ന് ആരെയും ഒഴിവാക്കില്ലെന്നും നേതൃത്വം വ്യക്തമാക്കി.

Read Also: ഓഹരിയുടെ വില കുറയ്ക്കില്ല, വില്‍പനയും നീട്ടില്ല: 20,000 കോടി സമാഹരിക്കാൻ അദാനി

കുട്ടനാട്ടിലെ പ്രശ്നങ്ങളുമായി ബന്ധപ്പെട്ട് 10 ലോക്കൽ കമ്മിറ്റികളിൽ ജില്ലാ സെക്രട്ടേറിയറ്റ് അംഗങ്ങളുടെ നേതൃത്വത്തിൽ ചർച്ച നടന്നു. മുന്നൂറോളം ആളുകൾ പാർട്ടി അംഗത്വം ഉപേക്ഷിക്കുന്നതിനായി കത്തുനൽകിയ 6 ലോക്കൽ കമ്മിറ്റികളിലെ പരാതികൾ പ്രത്യേകം പരിഹരിച്ചു.

അവരുടെ പരാതികൾ വ്യക്തമായി കേൾക്കുകയും പങ്കെടുക്കാൻ കഴിയാത്തവരുടെ പരാതികൾ എഴുതി വാങ്ങുകയും ചെയ്തു. പരാതികളിൽ നടപടി സ്വീകരിക്കാൻ അതത് ലോക്കൽ കമ്മിറ്റികൾക്ക് ജില്ലാ നേതൃത്വം നിർദേശം നൽകി.

English Summary: CPM Kuttanad local committee meeting, Updates