നിറം മാറിയ പെട്ടി!, ബജറ്റിനു മുൻപ് മൻമോഹനെ കണ്ട നിർമല; ഗൗരവക്കാരൻ പ്രണബ്

പ്രണബ് മുഖർജിയോട് വഴിയിൽ കാത്തു നിന്ന് കുശലം പറയാനോ അഭിവാദ്യം ചെയ്യാൻ പോലുമോ പലരും മടിക്കും. സഭയ്ക്കുള്ളിൽ കയറിക്കഴിഞ്ഞാൽ ആവശ്യമുള്ള കുറിപ്പുകളിലൂടെ കണ്ണോടിക്കൽ. അടുത്ത് വന്ന് ആശംസ നേരാൻ ‘ധൈര്യപ്പെടുന്ന’ മുതിർന്ന നേതാക്കളോട് കുശലം. ഇത്തരത്തിൽ ധനമന്ത്രിമാർക്ക് പലർക്കും വിശിഷ്ടമായ പല ശീലങ്ങളുമുണ്ട്. നിർമല സീതാരാമൻ തന്റെ അഞ്ചാമത്തെ ബജറ്റ് അവതരിപ്പിക്കുമ്പോൾ ഏറ്റവുമധികം കൂടുതൽ ബജറ്റ് അവതരിപ്പിക്കുന്ന ആറാമത്തെ സ്ഥാനത്തെത്തും അവർ. ബജറ്റ് ദിനം പാർലമെന്റിന് ഉൽസവ ദിനമാണ്. അതു പോലെ ബജറ്റ് അവതരണത്തിലും ഏറെ കൗതുകങ്ങളുണ്ട്. അവ പരിചയപ്പെടാം.