വൃക്കമാറ്റി വയ്ക്കൽ ശസ്ത്രക്രിയയ്ക്കു ശേഷം ലാലു പ്രസാദ് യാദവ് വെള്ളിയാഴ്ച തിരിച്ചെത്തും

പട്ന ∙ ആർജെഡി അധ്യക്ഷൻ ലാലു പ്രസാദ് യാദവ് ഈ മാസം 10നു സിംഗപ്പൂരിൽ നിന്നു ഡൽഹിയിൽ തിരിച്ചെത്തും. വൃക്കമാറ്റി വയ്ക്കൽ ശസ്ത്രക്രിയയ്ക്കു ശേഷം സിംഗപ്പൂരിൽ മകൾ രോഹിണി ആചാര്യയുടെ വസതിയിൽ വിശ്രമത്തിലാണ് ലാലു. മകൾ രോഹിണി ആചാര്യയാണ് ലാലുവിനു വൃക്ക നൽകിയത്. 

മൂത്ത മകൾ മിസ ഭാരതിയും ലാലുവിനൊപ്പം സിംഗപ്പൂരിലുണ്ട്. പത്തിനു ഡൽഹിയിലെത്തുന്ന ലാലു പ്രസാദ് യാദവ് മകൾ മിസ ഭാരതിയുടെ വസതിയിൽ താമസിക്കും. ലാലു പ്രസാദ് യാദവിന്റെ ആയുരാരോഗ്യത്തിനായി മകനും ബിഹാർ മന്ത്രിയുമായ തേജ് പ്രതാപ് യാദവ് വസതിയിൽ ഭാഗവത പാരായണം നടത്തുന്നുണ്ട്. 

English Summary: Lalu Yadav to return from Singapore