ജോലി ചെയ്യുന്ന സ്ഥാപനത്തിന്റെ ഉടമയുടെ വീട്ടിൽ കവർച്ച; ജീവനക്കാരന്റെ അതിബുദ്ധി

പാലക്കാട് ∙ കൽമണ്ഡപത്ത് വീട്ടമ്മയെ കെട്ടിയിട്ട് സ്വർണവും പണവും കവർന്ന കേസിൽ വഴിത്തിരിവ്. കടുത്ത സാമ്പത്തിക ബാധ്യത മറികടക്കാൻ, ജോലി ചെയ്യുന്ന സ്ഥാപനത്തിന്റെ ഉടമയുടെ വീട്ടിൽതന്നെ കവർച്ച നടത്താനുള്ള ജീവനക്കാരന്റെ ബുദ്ധിയാണ് പിന്നിലെന്ന് പൊലീസ് പറയുന്നു.

സ്വർണവും പണവും നഷ്ടപ്പെട്ട അൻസാരിയുടെ മരുന്നുകടയിലെ ജീവനക്കാരൻ തൗഫീകിന് തോന്നിയ അതിബുദ്ധിയാണ് മൂന്ന് മാസത്തെ നിരീക്ഷണത്തിനൊടുവിലുള്ള കവർച്ച യാഥാർഥ്യമായത്. പുതുനഗരം സ്വദേശിയായ ക്വട്ടേഷൻ നേതാവാണ് തൗഫീകിന്റെയും സുഹൃത്തുക്കളുടെയും നിർദേശം നടപ്പാക്കിയത്. കേസിൽ ഇതുവരെ ഏഴുപേരെ അറസ്റ്റ് ചെയ്തതായി കസബ പൊലീസ് അറിയിച്ചു.

English Summary: Culprits arrested in theft case at Palakkad