കൊച്ചി ∙ ഏഴ് ജില്ലാ ജഡ്ജിമാരെ ഹൈക്കോടതി ജഡ്ജിമാരാക്കാന്‍ ശുപാര്‍ശ ചെയ്ത് കേരള ഹൈക്കോടതി കൊളീജിയം. അഞ്ചുപേരുടെ നിയമനത്തിന് ശുപാര്‍ശ ഏകകണ്ഠമാണ്. രണ്ട് പേരുകള്‍ വിയോജിപ്പുകളോടെയാണ് ശുപാര്‍ശ ചെയ്തത്. ഏതാനും അഭിഭാഷകരുടെ പേരുകളും പട്ടികയിലുണ്ടെന്നാണു സൂചന.
സുപ്രീം കോടതി കൊളീജിയം വ്യാഴാഴ്ച ഈ ശുപാര്‍ശകള്‍ പരിഗണിച്ചേക്കും. ഒന്നര വർ‌ഷത്തോളം നീണ്ട ഇടവേളയ്ക്കു ശേഷമാണു ഹൈക്കോടതി കൊളീജിയം ചേർന്നത്. സുപ്രീംകോടതി പരിഗണിക്കുമ്പോൾ മാത്രമെ ശുപാർശ ചെയ്യപ്പെട്ടവരുടെ വിവരങ്ങൾ ഔദ്യോഗികമായി പുറത്തുവരൂ.
English Summary: Kerala collegium recommends district judges for elevation as High Court judges
