മോദി സർക്കാർ വിദ്യാഭ്യാസ സംവിധാനം ഉന്നതങ്ങളിലെത്തിച്ചെന്ന് കേന്ദ്രമന്ത്രി; കൂകിവിളിച്ച് വിദ്യാർഥികൾ

കാസർകോട് ∙ പ്രധാനമന്ത്രി നരേന്ദ്ര മോദിയെ പ്രശംസിച്ച കേന്ദ്ര വിദേശകാര്യ സഹമന്ത്രി വി.മുരളീധരനെതിരെ പ്രതിഷേധവുമായി ഒരു വിഭാഗം വിദ്യാർഥികൾ. കാസർകോടുള്ള കേരള കേന്ദ്ര സർവകലാശാലയിൽ ബിരുദദാന ചടങ്ങിനെത്തിയപ്പോഴാണ് കേന്ദ്രമന്ത്രിക്കെതിരെ പ്രതിഷേധമുണ്ടായത്. പ്രധാനമന്ത്രി നരേന്ദ്ര മോദിയെ പ്രശംസിച്ച് സംസാരിക്കുന്നതിനിടെ സദസിലുണ്ടായിരുന്ന ഒരു വിഭാഗം വിദ്യാർഥികൾ കൂകിവിളിക്കുകയായിരുന്നു. നരേന്ദ്ര മോദി സർക്കാർ രാജ്യത്തെ വിദ്യാഭ്യാസ സംവിധാനത്തെ ഉന്നതങ്ങളിലെത്തിച്ചുവെന്ന പരാമർശത്തിനിടെയാണ് വിദ്യാർഥികൾ കൂകിയത്.

English Summary: Students protest against V Muraleedharan