ലോറിക്ക് പിന്നിൽ കാറിടിച്ച് ഒരാൾ മരിച്ചു; രണ്ടുപേര്‍ക്ക് പരുക്ക്
Mail This Article
×
ആലപ്പുഴ ∙ ദേശീയപാതയില്‍ ആലപ്പുഴ പുറക്കാട് നിർത്തിയിട്ട ലോറിക്ക് പുറകില്‍ കാറിടിച്ച് ഒരാൾ മരിച്ചു. 2 പേർക്ക് പരുക്കേറ്റു. കാറോടിച്ചിരുന്ന പത്തനംതിട്ട വാഴമുട്ടം തിരുവാതിരയിൽ പ്രസന്നകുമാറാണ് മരിച്ചത്. ദേശീയ പാതയിൽ പുറക്കാട് പുത്തൻനടയ്ക്കു സമീപം വെള്ളിയാഴ്ച രാവിലെയാണ് അപകടം.
വിദേശത്തുനിന്ന് എത്തിയ ബന്ധു അടൂർ സ്വദേശിയായ നിധിനുമായി നെടുമ്പാശേരി വിമാനത്താവളത്തിൽ നിന്ന് മടങ്ങുമ്പോഴായിരുന്നു അപകടം. ലോറിക്ക് പിന്നിൽ കുടുങ്ങിക്കിടന്ന കാറ് വെട്ടിപ്പൊളിച്ചാണ് കാർ യാത്രക്കാരെ പുറത്തെടുത്തത്. പരുക്കേറ്റ നിധിനെയും നൂറനാട് പള്ളിക്കൽ സ്വദേശി ബാബുവിനെയും ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
English Summary: One died in Alappuzha accident
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
