ജസ്റ്റിസ് എസ്.വി.ഭട്ടി കേരള ഹൈക്കോടതി ചീഫ് ജസ്റ്റിസ്

കൊച്ചി∙ കേരള ഹൈക്കോടതി ചീഫ് ജസ്റ്റിസായി ജസ്റ്റിസ് സരസ വെങ്കടനാരായണ ഭട്ടിയെ (എസ്.വി.ഭട്ടി) നിയമിച്ചു. ആന്ധ്രാ സ്വദേശിയായ എസ്.വി.ഭട്ടി, നിലവിൽ ആക്ടിങ് ചീഫ് ജസ്റ്റിസാണ്. ചീഫ് ജസ്റ്റിസായിരുന്ന എസ്.മണികുമാർ വിരമിച്ച ഒഴിവിലാണ് എസ്.വി.ഭട്ടി ചുമതലയേൽക്കുന്നത്. 

ആന്ധ്രയിലെ ചിത്തൂർ സ്വദേശിയായ ജസ്റ്റിസ് ഭട്ടി, ബെംഗളൂരു ജെആർ കോളജിൽനിന്ന് നിയമബിരുദം നേടി. 1987ൽ ആന്ധ്ര ഹൈക്കോടതിയിൽ അഭിഭാഷകനായി എൻറോൾ ചെയ്തു. 2013ൽ ആന്ധ്ര ഹൈക്കോടതിയിൽ അഡിഷനൽ ജഡ്ജിയായി. 2019 മാർച്ചിലാണ് കേരള ഹൈക്കോടതിയിൽ നിയമിതനായത്.

English Summary: Justice SV Bhatti Appointed As Chief Justice Of Kerala High Court