ഓണക്കാലത്തെ പ്രത്യേക ട്രെയിൻ: മന്ത്രി വി. അബ്‌ദുറഹിമാൻ കേന്ദ്രമന്ത്രിയ്‌ക്ക്‌ കത്തെഴുതി

തിരുവനന്തപുരം ∙ ഓണം, നവരാത്രി ആഘോഷവേളകളിലെ തിരക്ക്‌ കണക്കിലെടുത്ത്‌ രാജ്യത്തെ പ്രധാന നഗരങ്ങളിൽനിന്ന്‌ കേരളത്തിലേക്ക്‌ പ്രത്യേക ട്രെയിനുകൾ വേണമെന്ന് ആവശ്യപ്പെട്ട് മന്ത്രി വി. അബ്‌ദുറഹിമാൻ കേന്ദ്ര റെയിൽവേ മന്ത്രി അശ്വനി വൈഷ്‌ണവിന്‌ കത്തെഴുതി. നിലവിലെ ട്രെയിനുകളിൽ അധിക കോച്ചുകൾ അനുവദിക്കണമെന്നും കത്തിൽ ആവശ്യമുന്നയിച്ചിട്ടുണ്ട്. ഡൽഹി, മുംബൈ, ഗോവ, അഹമ്മദാബാദ്‌, കൊൽക്കത്ത, ചെന്നൈ, ബെംഗളൂരു, ഹൈദരാബാദ്‌ എന്നിവിടങ്ങളിൽ നിന്നാണ്‌ പ്രത്യേക ട്രെയിനുകൾ ആവശ്യപ്പെട്ടത്‌. 

English Summary: Minister V Abdurahiman writes letter to Railway Minister requesting special trains to Kerala during festival season