തിരുവനന്തപുരം∙ സമൂഹ മാധ്യമങ്ങളിലൂടെ അധിക്ഷേപിച്ചെന്ന പരാതിയുമായി സിപിഎം നേതാക്കളുടെ ഭാര്യമാർ രംഗത്ത്. രാജ്യസഭാ എംപി എ.എ.റഹിമിന്റെ ഭാര്യ അമൃത റഹിം, അന്തരിച്ച സിപിഎം യുവ നേതാവ് പി.ബിജുവിന്റെ ഭാര്യ ഹർഷ എന്നിവർ ഇതുമായി ബന്ധപ്പെട്ട് പൊലീസിൽ പരാതി നൽകി. സൈബർ പൊലീസ് കേസ് എടുത്ത് അന്വേഷണം ആരംഭിച്ചു.
ചിത്രങ്ങൾ ഉൾപ്പെടെ ഉപയോഗിച്ച് അപകീർത്തികരമായി പോസ്റ്റുകൾ പ്രചരിപ്പിച്ചെന്നാണ് പരാതി. വ്യാജ ഐഡികളിൽ നിന്നാണ് അപകീർത്തികരമായ പോസ്റ്റുകൾ വന്നിരിക്കുന്നതെന്നു പൊലീസ് വ്യക്തമാക്കി.
കുറ്റക്കാർക്കെതിരെ നടപടി ആവശ്യപ്പെട്ട് ഹർഷ പൊലീസ് മേധാവിക്കും സിറ്റി പൊലീസ് കമ്മിഷണർക്കും മ്യൂസിയം പൊലീസ് സ്റ്റേഷനിലും പരാതി നൽകി. അമൃത റഹീം സിറ്റി പൊലീസ് കമ്മിഷണർക്കും സൈബർ പൊലീസിനുമാണു പരാതി നൽകിയത്.
English Summary: Cyber Police Begin Investigation into Fake IDs Using Photos to Defame CPM Leaders' Wives
.jpg.image.85.44.jpg)
