കോഴിക്കോട്∙ പൂനൂർ പുഴയിൽ നീന്തുന്നതിനിടെ കാണാതായ വിദ്യാർഥി മരിച്ചു. കക്കോടി പുവ്വത്തൂർ പാലന്നുകണ്ടിയിൽ സരസന്റെ മകൻ കാർത്തിക്കാണു (14) മരിച്ചത്. സുഹൃത്തുക്കളായ നാലുപേർക്കൊപ്പം കുളിക്കാനിറങ്ങിയ കാർത്തിക് ഒഴുക്കിൽപ്പെട്ടു മുങ്ങിപ്പോവുകയായിരുന്നു. വെള്ളിമാടുകുന്നിൽ നിന്നെത്തിയ അഗ്നിരക്ഷാ സേനയും കോഴിക്കോട് സ്കൂബ മുങ്ങൽ വിദഗ്ധരും നടത്തിയ തിരച്ചിലിൽ മൂന്നുമണിക്കൂറിനു ശേഷം കാർത്തിക്കിനെ കണ്ടെത്തി. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പറമ്പിൽ ഗവ. ഹയർ സെക്കൻഡറി സ്കൂൾ ഒൻപതാം ക്ലാസ് വിദ്യാർഥിയാണു കാർത്തിക്. 

English Summary: Student was gone missing while swimming with friends