വളഞ്ഞ് പുളഞ്ഞ് ചീറിപ്പാഞ്ഞ്‌ കാർ; റോഡിൽ നിന്ന വിദ്യാർഥികളെ ഇടിച്ചു തെറിപ്പിച്ചു –വിഡിയോ

മലപ്പുറം∙ താനൂർ എടക്കടപ്പുറത്ത് റോഡിൽ നിന്ന വിദ്യാർഥികളുടെ മേൽ കാർ ഇടിച്ചു കയറി. സ്കൂളിനു സമീപം നിന്ന വിദ്യാർഥികൾക്കിടയിലേക്ക് കാർ ഇടിച്ചു കയറുകയായിരുന്നു. ഇന്നലെ വൈകിട്ട് സ്കൂൾ വിട്ട് വിദ്യാർഥികൾ ബസ് കാത്തുനിൽക്കുന്ന സമയത്തായിരുന്നു അപകടം. 

വിദ്യാർഥികളെ ഇടിച്ചിട്ട കാർ എതിർദിശയിൽനിന്നു വന്ന ഒരു ബൈക്കിലും ഇടിച്ച് നിർത്താതെ പോയി. അപകടത്തിൽ മൂന്നു പേർക്ക് പരുക്കേറ്റു. ആരുടെയും നില ഗുരുതരമല്ല. നിരവധി ആളുകൾ ബസ് കയറാൻ നിൽക്കുന്ന ഇടത്താണ് അപകടമുണ്ടായത്. വീതി കുറഞ്ഞ റോഡിലൂടെ വളഞ്ഞു പുളഞ്ഞു വന്ന കാറിന്റെ ദൃശ്യങ്ങൾ സിസിടിവിയിൽ പതിഞ്ഞിട്ടുണ്ട്. അപകടത്തിന്റെ സിസിടിവി ദൃശ്യങ്ങൾ പുറത്തുവന്നു.