പാലക്കാട്ട് വിനോദയാത്ര പോയ 25 സ്കൂൾ വിദ്യാർഥികൾക്ക് ഭക്ഷ്യവിഷബാധയെന്ന് സംശയം; 10 പേർ ചികിത്സയിൽ

പാലക്കാട്∙ വിനോദയാത്ര പോയ സ്കൂൾ വിദ്യാർഥികൾ ഭക്ഷ്യവിഷബാധയുടെ ലക്ഷണങ്ങളോടെ ചികിത്സയിൽ. തച്ചമ്പാറ സെന്റ് ഡൊമിനിക് സ്കൂളിൽനിന്നു വളാഞ്ചേരിയിലെ അമ്യൂസ്മെന്റ് പാർക്കിലേക്കു വിനോദയാത്ര പോയ 25 ലേറെ വിദ്യാർഥികളാണു ചികിത്സ തേടിയത്.

ഇതിൽ 10 വിദ്യാർഥികളെ വിവിധ ആശുപത്രികളിൽ അഡ്മിറ്റ് ചെയ്തു. എട്ടുപേരെ തച്ചമ്പാറയിലെ സ്വകാര്യ ആശുപത്രിയിലും ഒരാളെ മണ്ണാർക്കാട്ടെ സ്വകാര്യ ആശുപത്രിയിലും ഒരാളെ തൃശൂരിലെ സ്വകാര്യ ആശുപത്രിയിലുമാണു പ്രവേശിപ്പിച്ചിരിക്കുന്നത്

‌ചൊവ്വാഴ്ചയാണു സ്കൂളിൽനിന്നു 225 വിദ്യാർഥികൾ വിനോദയാത്ര പോയത്. ‍വിനോദയാത്ര പോയ സ്ഥലത്തുനിന്നു ഭക്ഷണവും ഐസ്ക്രീമും കഴിച്ചതായി സ്കൂൾ അധികൃതർ പറഞ്ഞു.