കൂനൂർ–ഊട്ടി ദേശീയപാതയിൽ മണ്ണിടിച്ചിൽ; ഗതാഗതം തടസപ്പെട്ടു; മന്ത്രിയും കുടുങ്ങി
![ooty-coonoor ooty-coonoor](https://img-mm.manoramaonline.com/content/dam/mm/mo/news/just-in/images/2023/12/10/ooty-coonoor.jpg?w=1120&h=583)
Mail This Article
×
മേട്ടുപ്പാളയം (തമിഴ്നാട്)∙ കൂനൂർ-ഊട്ടി ദേശിയ പാതയിൽ മണ്ണിടിച്ചിലിനെ തുടർന്ന് ഈ പാതയിലെ യാത്ര താൽക്കാലികമായി വിലക്കി. ഗതാഗത തടസം നേരിട്ടതിനാൽ രാവിലെ ഇതുവഴി ഊട്ടിയിൽനിന്നു കോയമ്പത്തൂരിലേക്ക് പുറപ്പെട്ട കേന്ദ്രസഹമന്ത്രി എൽ.മുരുകനും വഴിയിൽ കുടുങ്ങി.
ദേശീയപാത അധികൃതരും ഫയർ സർവീസും എത്തി റോഡിലെ മരങ്ങൾ മുറിച്ചുമാറ്റി, മണ്ണ് നീക്കം ചെയ്തതിനു ശേഷമാണ് മന്ത്രിക്ക് യാത്ര തുടരാൻ സാധിച്ചത്. രാവിലെ പത്തുമണിയോടെ മണ്ണ് ഒരുവശം നീക്കം ചെയ്ത് ഇരുചക്ര വാഹനങ്ങൾ കടത്തിവിടുന്നുണ്ട്.
മേഖലയിൽ മഴ തുടരുകയാണ്. വീണ്ടും മണ്ണിടിച്ചിൽ ഉണ്ടാകാൻ സാധ്യതയുള്ളതിനാൽ താത്കാലികമായി ഭാരവാഹനങ്ങൾക്ക് അനുമതിയില്ലെന്ന് ജില്ലാ ഭരണകൂടം അറിയിച്ചു. നിലവിൽ മേട്ടുപ്പാളയം കോത്തഗിരി വഴിയാണ് കൂനൂർ, ഊട്ടി ഭാഗത്തേക്ക് വാഹനങ്ങൾ കടത്തി വിടുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.