നിയമസഭയിലേക്ക് കാലിക്കലങ്ങളും ചുമന്ന് മഹിളാ കോൺഗ്രസ് മാർച്ച്: സംഘർഷം, ജലപീരങ്കി പ്രയോഗിച്ച് പൊലീസ്

തിരുവനന്തപുരം∙ അരിവില വർധനയിൽ പ്രതിഷേധിച്ച് മഹിളാ കോൺഗ്രസ് പ്രവർത്തകർ നിയമസഭയിലേക്കു കാലിക്കലങ്ങളും ചുമന്നു നടത്തിയ മാർച്ചിൽ സംഘർഷം. ബാരിക്കേഡ് തള്ളിമാറ്റാൻ പ്രവർത്തകർ ശ്രമിക്കവേ പൊലീസ് മൂന്നു തവണ ജലപീരങ്കി പ്രയോഗിച്ചു.

Read Also: ‘അമ്മാതിരി വർത്തമാനം വേണ്ട’ എന്ന് മുഖ്യമന്ത്രി, ‘ഇമ്മാതിരി വർത്തമാനം വേണ്ട’ എന്ന് സതീശൻ; നേർക്കുനേർ വാക്പോര്

പരുക്കേറ്റ ജെബി മേത്തർ എംപിയെയും 3 പ്രവർത്തകരെയും ആശുപത്രിയിലേക്കു മാറ്റി. പ്രതിഷേധസൂചകമായി മൺകലങ്ങൾ നിലത്തടിച്ചു പൊട്ടിച്ച മഹിളാ കോൺഗ്രസ് പ്രവർത്തകർ പൊലീസിനു നേർക്കു കാലിക്കലങ്ങൾ എറിഞ്ഞു.