എടവണ്ണപ്പാറയിൽ ബൈക്കും ലോറിയും കൂട്ടിയിടിച്ച് വിദ്യാർഥി മരിച്ചു; സുഹൃത്തിന് പരുക്ക്

എടവണ്ണപ്പാറ∙ ടൗണിൽ മീൻ ലോറിയും ബൈക്കും കൂട്ടിയിടിച്ച് എൻജിനീയറിങ് വിദ്യാർഥിക്ക് ദാരുണാന്ത്യം. വയനാട് ബത്തേരി തൊടുവെട്ടി വീട്ടിൽ സഞ്ജയ് (18) ആണ് മരിച്ചത്. കുന്ദമംഗലം എൻഐടി എൻജിനീയറിങ് കോളജിൽ രണ്ടാം വർഷ ഇലക്ട്രിക്കൽ എൻജിനീയറിങ് വിദ്യാർഥിയാണ് സഞ്ജയ്.

ഒപ്പമുണ്ടായിരുന്ന കൊല്ലം ആയത്തിൽ പി.‌വിനോദിന്റെ മകൻ ഹരികൃഷ്ണനെ (19) പരുക്കുകളോടെ ആശുപത്രിയിൽ പ്രവേശിപ്പിച്ചു. ഇന്നു പുലർച്ചെ  ആയിരുന്നു അപകടം.

കൊണ്ടോട്ടി റോഡിൽനിന്നു വരികയായിരുന്ന വിദ്യാർഥികൾ സഞ്ചരിച്ചിരുന്ന ബൈക്കും അരീക്കോട് ഭാഗത്തുനിന്നു വന്ന ലോറിയും കൂട്ടിയിടിച്ചാണ് അപകടമുണ്ടായത്. മൂന്നു ബൈക്കുകളിലായി കരിപ്പുർ വിമാനത്താവളത്തിൽ പോയി തിരിച്ച വിദ്യാർഥി സംഘത്തിൽപ്പെട്ടവരാണ് അപകടത്തിൽപ്പെട്ടതെന്നു ദൃക്സാക്ഷികൾ പറഞ്ഞു.