കണ്ണൂരിൽ തെരുവുനായ കുറുകെചാടി; മുച്ചക്ര സ്‌കൂട്ടർ മറിഞ്ഞ് ഭിന്നശേഷിക്കാരി മരിച്ചു

കണ്ണൂർ∙ കൊട്ടിയൂരിൽ തെരുവുനായ കുറുകെ ചാടി മുച്ചക്ര സ്കൂട്ടർ മറിഞ്ഞുണ്ടായ അപകടത്തിൽ ഭിന്നശേഷിക്കാരിയായ യുവതി മരിച്ചു. കൊട്ടിയൂർ പാലുകാച്ചി സ്വദേശി എ.എം.രമണിയാണ് മരിച്ചത്. കുറിയർ സ്ഥാപനത്തിലെ ജീവനക്കാരിയാണ്.

വ്യാഴാഴ്ച രാവിലെ 11ന് സ്കൂട്ടർ സർവീസിന് നൽകാൻ പോകവേ ഹാജി റോഡ്–അയ്യപ്പൻകാവ് റോഡിലായിരുന്നു അപകടം. ഇറക്കത്തിൽവച്ച് തെരുവുനായ ചാടിയതിനെ തുടർന്ന് നിയന്ത്രണം നഷ്ടപ്പെട്ട സ്കൂട്ടർ, സമീപത്തെ കുഴിയിലേക്ക് മറിയുകയായിരുന്നു. അപകടത്തിൽ ഹെൽമറ്റ് തകർന്ന് സമീപത്തെ മരത്തിലും കല്ലിലും രമണിയുടെ തല ഇടിച്ചു. ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.