ബന്ദിപ്പൂർ വനത്തിൽ ആനയെ പ്രകോപിപ്പിക്കാൻ ശ്രമം; വിശാഖപട്ടണം സ്വദേശികളിൽനിന്ന് 25,000 രൂപ പിഴ ഈടാക്കി

ബെംഗളൂരു∙  ബന്ദിപ്പൂർ വനത്തിൽ ആനയെ പ്രകോപിപ്പിച്ച ആന്ധ്ര വിശാഖപട്ടണം സ്വദേശികളിൽനിന്ന് 25,000 രൂപ പിഴ ഈടാക്കിയതായി വനംവകുപ്പ് അറിയിച്ചു. ദേശീയപാത മുറിച്ചു കടക്കുകയായിരുന്ന ആനയെ ദേഷ്യം പിടിപ്പിക്കുന്നതിന്റെയും ആന ഓടിച്ചപ്പോൾ രക്ഷപ്പെടാൻ കാറിൽ കയറുന്നതിന്റെയും ദൃശ്യങ്ങൾ പ്രചരിച്ചിരുന്നു.

Read Also: മകന്റെ സ്കൂൾ ബസ് കാത്തുനിന്നയാൾ പശുവിന്റെ കുത്തേറ്റ് മരിച്ചു; കുത്തേറ്റത് മകന്റെ മുന്നിൽവച്ച്

വന്യജീവി സംരക്ഷണ നിയമപ്രകാരമാണ് കേസെടുത്തത്. വനപാതയിൽ വാഹനം നിർത്തുന്നവരിൽ നിന്ന് 1000 രൂപയാണ് സാധാരണ പിഴയായി ഈടാക്കുന്നത്.