വടകരപ്പോരിൽ ഷാഫി പറമ്പിലിന് വിജയം; ഒരു ലക്ഷത്തിലേറെ വോട്ടിന്റെ ഭൂരിപക്ഷം

വടകര∙ വടകരയിൽ ഒരു ലക്ഷത്തിലധികം വോട്ടിന്റെ ഭൂരിപക്ഷത്തിൽ ഷാഫി പറമ്പിലിന് വിജയം. 1,15,157 വോട്ടിന്റെ ഭൂരിപക്ഷത്തിലാണ് ഷാഫി വിജയിച്ചത്. എൽഡിഎഫിന്റെ കെ.കെ.ശൈലജ 4,37,333 വോട്ടുകൾ നേടി. കെ.കെ. ശൈലജയും ഷാഫി പറമ്പിലും തമ്മിൽ തീപാറിയ മത്സരമാണ് വടകരയിൽ നടന്നത്.

തിരഞ്ഞെടുപ്പു ഫലം അറിയാം

വോട്ടെണ്ണലിൽ ലീഡ് ഇടയ്ക്കിടെ മാറി മറി‍ഞ്ഞെങ്കിലും ഷാഫി തിരിച്ചുവരവ് നടത്തുകയായിരുന്നു. വിജയം ഉറപ്പാണെന്നായിരുന്നു വോട്ടെണ്ണൽ തുടങ്ങുന്നതിന് മുമ്പ് കൗണ്ടിങ് സെന്ററിൽ എത്തിയ ഷാഫി പറമ്പിൽ പറഞ്ഞത്. അത് ശരിവയ്ക്കുന്ന രീതിയിലാണ് വടകരയിലെ വോട്ടെണ്ണൽ മുന്നേറിയത്.