പുതിയ തപാൽ നിയമം പ്രാബല്യത്തിൽ; കേന്ദ്രം വിജ്ഞാപനം പുറപ്പെടുവിച്ചു

ന്യൂഡൽഹി∙ പുതിയ തപാൽ നിയമങ്ങൾ പ്രാബല്യത്തിൽ. പോസ്റ്റ് ഓഫിസ് നിയമം 2023 പ്രകാരമുള്ള പുതിയ നിയമങ്ങൾ ജൂൺ 18 മുതൽ‌ പ്രാബല്യത്തിൽ വരുത്തിക്കൊണ്ട് കേന്ദ്രം വിജ്ഞാപനം പുറപ്പെടുവിച്ചു. ഇതോടെ 1898ലെ ഇന്ത്യൻ പോസ്റ്റ് ഓഫിസ് നിയമം റദ്ദാക്കപ്പെടും 

കഴിഞ്ഞ വർഷം ഓഗസ്റ്റ് പത്തിനാണ് പോസ്റ്റ് ഓഫിസ് ബിൽ 2023 രാജ്യസഭയിൽ അവതരിപ്പിക്കുന്നത്. ഡിസംബർ നാലിന് ഇത് പാസാക്കി. പിന്നാലെ ഡിസംബർ 12, 18 തീയതികളിൽ ലോക്‌സഭ ബിൽ പരിഗണിക്കുകയും പാസാക്കുകയും ചെയ്തു. നിയമത്തിന് ഡിസംബർ 24-ന് രാഷ്ട്രപതിയുടെ അനുമതിയും ലഭിച്ചു. ലളിതമായ നിയമനിർമാണ മാനദണ്ഡങ്ങൾ സൃഷ്ടിക്കാനും പൊതുജനങ്ങൾക്ക് സർക്കാർ പദ്ധതികളുടെ പ്രയോജനങ്ങൾ ലഭ്യമാക്കാനുമാണ് നിയമത്തിലൂടെ ലക്ഷ്യമിടുന്നത്.