പരാതികൾ അംഗീകരിച്ച് എൻടിഎ; തിരഞ്ഞെടുത്ത കേന്ദ്രങ്ങളിൽ സിയുഇടി–യുജി പുനഃപരീക്ഷ

ന്യൂഡൽഹി∙ 2024ലെ സിയുഇടി–യുജി പരീക്ഷ സംബന്ധിച്ചുള്ള പൊതുജന പരാതികൾ അംഗീകരിച്ച് നാഷനൽ ടെസ്റ്റിങ് ഏജന്‍സി (എൻടിഎ). ഇതുവരെ ലഭിച്ച പരാതികൾ ശരിയെന്നു വ്യക്തമായാൽ പുനഃപരീക്ഷ നടത്താൻ തയാറാണെന്ന് എൻടിഎ അറിയിച്ചു. ഈ മാസം 15 മുതൽ 19 വരെ ഓൺലൈനായി നടത്തുന്ന പരീക്ഷയുടെ അഡ്മിറ്റ് കാർഡുകൾ ഉടൻ പ്രസിദ്ധീകരിക്കും.

ജൂൺ 30 വരെയുള്ള പരാതികളാണ് പരിശോധിക്കുക. തിരഞ്ഞെടുത്ത കേന്ദ്രങ്ങളിലെ ഉദ്യോഗാർഥികൾക്കായിരിക്കും പുനഃപരീക്ഷ. കൂടുതൽ വിവരങ്ങൾക്ക് 011-40759000 എന്ന നമ്പറിലോ cuet-ug@nta.ac.in. എന്ന ഇമെയിൽ വഴിയോ ബന്ധപ്പെടാം.