നെയ്യാറ്റിൻകരയിൽ സ്കൂൾ ബസ് തോട്ടിലേക്ക് മറിഞ്ഞു: 4 കുട്ടികൾക്ക് പരുക്ക്

നെയ്യാറ്റിൻകര∙ കാരോട് കിഡ്സ് വാലി സ്‌കൂളിന്റെ ബസ് തോട്ടിലേക്കു മറിഞ്ഞ് 4 കുട്ടികൾക്കു പരുക്ക്. മറ്റൊരു വാഹനത്തിന് സൈഡ് കൊടുക്കുന്നതിനിടെ ബസ് തോട്ടിലേക്കു മറിയുകയായിരുന്നു. സ്‌കൂളിലേക്കു പോകുന്നതിനിടെ ഇന്നു രാവിലെയാണ് അപകടം.

സംഭവ സമയത്തു 10 കുട്ടികളാണു ബസിൽ ഉണ്ടായിരുന്നത്. കുട്ടികൾക്കു ഗുരുതര പരുക്കില്ലെന്നാണു വിവരം. ഒരു കുട്ടിയുടെ തല ബസിൽ ഇടിച്ചു. ഈ കുട്ടിയെ തിരുവനന്തപുരം എസ്എടി ആശുപത്രിയിൽ പ്രവേശിപ്പിച്ചു. മറ്റ് 3 കുട്ടികളെ പാറശാല സർക്കാർ ആശുപത്രിയിലും പ്രവേശിപ്പിച്ചു.