കോഴിക്കോട് വിലങ്ങാട് വീണ്ടും ഉരുൾപൊട്ടൽ; പ്രദേശത്ത് കുടുങ്ങികലക്ടറും എംഎൽഎയും

കോഴിക്കോട്∙ കോഴിക്കോട് ജില്ലയിലെ വിലങ്ങാട് മഞ്ഞചീളിൽ വീണ്ടും ഉരുൾപൊട്ടി. ആളപായം ഇല്ല. കോഴിക്കോട് കലക്ടറും ഇ.കെ. വിജയൻ‌ എംഎൽഎയും ഉൾപ്പടെ സ്ഥലം സന്ദർശിക്കുന്നതിനിടെയാണ് വീണ്ടും ഉരുൾപൊട്ടിയത്. ഇവർ അരമണിക്കൂറോളം പ്രദേശത്ത് കുടുങ്ങി. പിന്നീട് രക്ഷാപ്രവർത്തകരെത്തി പുറത്തെത്തിക്കുകയായിരുന്നു.

വിലങ്ങാട് ഉണ്ടായ ഉരുൾ‌പൊട്ടലിൽ പതിമൂന്നു വീടുകളാണ് കഴിഞ്ഞദിവസം പൂർണമായും തകർന്നത്. ജനങ്ങൾ ജാഗ്രത പാലിച്ചതിനാൽ വൻ ദുരന്തം ഒഴിവായി. ഒന്നിനു പിന്നാലെ മറ്റൊന്നായി ഒമ്പത് തവണ ഉരുൾ പൊട്ടിയെന്നാണു നാട്ടുകാര്‍ പറയുന്നത്. പ്രദേശത്ത് വെള്ളം കയറി നിരവധി വീടുകൾ ഭാഗികമായും തകർന്നിരുന്നു.