കൊടിയത്തൂരിൽ അക്ഷയ സെന്റർ ഉടമയായ യുവാവിന് ക്രൂരമർദനം– വിഡിയോ

കോഴിക്കോട്∙ കൊടിയത്തൂരിൽ യുവാവിനെ ക്രൂരമായി മർദിക്കുന്നിതിന്റെ സിസിടിവി ദൃശ്യങ്ങൾ പുറത്ത്. പാഴൂർ സ്വദേശി ആബിദിനെയാണ് നാലംഗ സംഘം ക്രൂരമായി മർദിച്ചത്. ചുള്ളിക്കാപറമ്പിൽ അക്ഷയ സെന്റർ നടത്തുകയാണ് ആബിദ്. അക്ഷയ സെന്ററിൽ നിന്ന് പിടിച്ചിറക്കി മർദിക്കുന്ന സിസിടിവി ദൃശ്യങ്ങളാണ് പുറത്തുവന്നത്.

കഴിഞ്ഞ ശനിയാഴ്ചയാണ് മർദനം ഉണ്ടായത്. ഗുരുതരാവസ്ഥയിലായ ആബിദ് അരീക്കോട് സ്വകാര്യ ആശുപത്രിയിൽ ചികിത്സയിലാണ്. അരീക്കോട് സ്വദേശി റഫീഖ് ആണ് മർദനത്തിന് പിന്നിൽ എന്ന് ആബിദിന്റെ കുടുംബം ആരോപിച്ചു. മുക്കം പൊലീസ് കേസെടുത്ത് അന്വേഷണം ആരംഭിച്ചു. വധശ്രമം, തട്ടിക്കൊണ്ട് പോകൽ വകുപ്പുകളിലാണ് കേസെടുത്തത്.