തോക്കുമായി നാല് മോഷ്ടാക്കൾ; വടിയുമായി നേരിട്ട് ജ്വല്ലറി ഉടമ; ദൃശ്യങ്ങൾ വൈറൽ

പുണെ∙ താനെ നഗരത്തിലെ ജ്വല്ലറിയില്‍ മോഷണം നടത്താൻ തോക്കുമായി എത്തിയവരെ വടിയുമായി നേരിട്ട് ഉടമ. മോഷ്ടാക്കളിൽ ഒരാൾ വെടിവച്ചെങ്കിലും ആർക്കും പരുക്കേറ്റില്ലെന്ന് പൊലീസ് പറഞ്ഞു. പ്രദേശവാസികൾ മോഷ്ടാക്കളെ പിന്തുടർന്ന് സംഘത്തിലുള്ള ഒരാളെ പിടികൂടി. നാലുപേരാണ് സംഘത്തിലുണ്ടായിരുന്നത്.

മോഷ്ടാക്കൾ തോക്കെടുത്തപ്പോൾ ജ്വല്ലറി ഉടമ സുരക്ഷാ അലാം മുഴക്കിയശേഷം വടിയുമായി അവരെ നേരിടുന്നതിന്റെ സിസിടിവി ദൃശ്യങ്ങൾ പുറത്തുവന്നു. സംഭവം അറിഞ്ഞയുടനെ പൊലീസ് സ്ഥലത്തെത്തി മോഷ്ടാവിനെ കസ്റ്റഡിയിലെടുത്തു. സംഘത്തിലെ മറ്റുള്ളവര്‍ക്കായി തിരച്ചിൽ ആരംഭിച്ചു.