കോയമ്പത്തൂരിൽ വാഹനാപകടം: 3 മലയാളികൾക്ക് ദാരുണാന്ത്യം; മരിച്ചവരിൽ രണ്ടു മാസം പ്രായമായ പിഞ്ചുകുഞ്ഞും

Mail This Article
കോയമ്പത്തൂർ∙ എൽ ആൻഡ് ടി ബൈപാസിൽ കാറും വാനും കൂട്ടിയിടിച്ച് മൂന്നു തിരുവല്ല സ്വദേശികൾ പേർ മരിച്ചു. ഒരാൾ ഗുരുതരാവസ്ഥയിൽ. തിരുവല്ല ഇരവിപേരൂർ കുറ്റിയിൽ കെ.സി.എബ്രഹാമിന്റെ മകൻ ജേക്കബ് ഏബ്രഹാം (60), ഭാര്യ ഷീല ജേക്കബ് (55), പേരക്കുട്ടി രണ്ടുമാസം പ്രായമായ ആരോൺ ജേക്കബ് തോമസ് എന്നിവരാണ് മരിച്ചത്. കൂടെയുണ്ടായിരുന്ന മകൾ എലീന തോമസിനെ (30) ഗുരുതര നിലയിൽ സുന്ദരാപുരം അഭിരാമി ആശുപത്രിയിലേക്ക് മാറ്റി.
തിരുവല്ലയിൽനിന്ന് ബെംഗളൂരുവിലേക്കു പോകുകയായിരുന്ന കാറും പാലക്കാട് ഭാഗത്തേക്ക് പോകുകയായിരുന്ന കുറിയർ വാനുമാണ് നേർക്കുനേർ കൂട്ടിയിടിച്ചത്. വ്യാഴാഴ്ച രാവിലെ പതിനൊന്നരയോടെ മധുക്കര എൽ ആൻഡ് ടി ബൈ പാസിൽ നയാര പെട്രോൾ പമ്പിന് സമീപമായിരുന്നു അപകടം. മകൾ എലീനയെയും കുഞ്ഞിനെയും ബെംഗളൂരുവിൽ കൊണ്ടുവിടാൻ പോകുകയായിരുന്നു ജേക്കബ് ഏബ്രഹാമും ഷീലയും. മൃതദേഹങ്ങൾ കോയമ്പത്തൂർ മെഡിക്കൽ കോളജ് ആശുപത്രിയിലേക്ക് മാറ്റി.