സിപിഎം വിപ്പ് ലംഘിച്ചു വിമതനായി മത്സരിച്ചു; തോട്ടപ്പുഴശേരി പഞ്ചായത്തിൽ കൃഷ്ണകുമാർ പ്രസിഡന്റ്

പത്തനംതിട്ട ∙ തോട്ടപ്പുഴശേരി പഞ്ചായത്തിൽ സിപിഎം വിപ്പ് ലംഘിച്ച് മത്സരിച്ച വിമതൻ കൃഷ്ണകുമാർ പ്രസിഡന്റായി തിരഞ്ഞെടുക്കപ്പെട്ടു. സിപിഎം നേതൃത്വത്തോട് ഇടഞ്ഞുനിൽക്കുന്ന 4 വിമത അംഗങ്ങളും കോൺഗ്രസിന്റെ 3 അംഗങ്ങളും സിപിഎം വിമതനു വോട്ട് ചെയ്തു. സിപിഎമ്മിന്റെ ഔദ്യോഗിക സ്ഥാനാർഥിക്ക് 3 വോട്ടു മാത്രമാണു ലഭിച്ചത്. ബിജെപി സ്ഥാനാർഥിക്കും 3 വോട്ട് ലഭിച്ചു.