മഹാകുംഭമേളയില്‍ പ്രകാശ് രാജ് പങ്കെടുക്കുന്ന എഐ ചിത്രം; സിനിമ നിർമാതാവിനെതിരെ കേസ്
Mail This Article
×
ബെംഗളൂരു ∙ മഹാകുംഭമേളയില്‍ നടന്‍ പ്രകാശ് രാജ് പങ്കെടുത്തതായി വ്യാജചിത്രം പ്രചരിപ്പിച്ച സംഭവത്തില്‍ കേസെടുത്ത് പൊലീസ്. കന്നഡ സിനിമാ നിര്‍മാതാവ് പ്രശാന്ത് സാംബര്‍ഗിക്കെതിരെയാണ് കേസ്. പ്രകാശ് രാജ് മൈസൂരു ലക്ഷ്മിപുരം പൊലീസില്‍ നല്‍കിയ പരാതിയുടെ അടിസ്ഥാനത്തിലാണു നടപടി.
കുംഭമേളയില്‍ പങ്കെടുത്തിട്ടില്ലെന്നും നിർമിത ബുദ്ധി (എഐ) ഉപയോഗിച്ചു വ്യാജചിത്രം നിര്‍മിച്ചതിനു പിന്നില്‍ പ്രശാന്ത് സാംബര്‍ഗിയാണെന്നും പ്രകാശ് രാജ് പറഞ്ഞു. ‘‘ഞാന്‍ വിശ്വാസിയല്ല. എന്നാല്‍, വിശ്വാസത്തിനോ മതത്തിനോ എതിരല്ല. വിശ്വാസികള്‍ക്ക് മഹാകുംഭമേള പുണ്യസ്ഥലമാണ്.
രാഷ്ട്രീയാവശ്യങ്ങള്‍ക്കായി ജനങ്ങളുടെ വിശ്വാസത്തെ ദുരുപയോഗം ചെയ്യാനും എന്നെ മോശമായി ചിത്രീകരിക്കാനുമുള്ള ചിലരുടെ ശ്രമങ്ങള്‍ക്കെതിരെയാണ് പരാതി’’ – പ്രകാശ് രാജ് പറഞ്ഞു.
English Summary:
Prakash Raj kumbha mela fake image: Prakash Raj filed a police complaint against a fake image. The AI-generated image falsely depicted him at the Maha Kumbh Mela, a complaint filed against Kannada film producer Prashanth Sambhargi.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.