നെല്ലിമുണ്ടയിൽ തേയില തോട്ടത്തിൽ പുലി; മരത്തിന്റെ മുകളിൽ നിന്ന് താഴേക്ക് ചാടി – വിഡിയോ

മേപ്പാടി ∙ നെല്ലിമുണ്ട ഒന്നാം മൈലിൽ തേയില തോട്ടത്തിൽ മരത്തിന്റെ മുകളിൽ പുലി. മരത്തിന്റെ മുകളിൽനിന്ന് താഴേക്ക് പുലി ചാടുന്ന വിഡിയോ ദൃശ്യം പുറത്തു വന്നു. ഇന്ന് രാവിലെയാണ് മരത്തിനു മുകളിൽ പുലിയെ കണ്ടത്. ആളുകൾ ബഹളം വച്ചതോടെ പുലി മരത്തിൽനിന്ന് ചാടിപ്പോകുകയായിരുന്നു. 

നിരവധി തൊഴിലാളികൾ ജോലി ചെയ്യുന്ന തേയില എസ്റ്റേറ്റിലാണ് പുലിയെ കണ്ടത്. ഈ മേഖലയിൽ നേരത്തെയും പുലി സാന്നിധ്യം സ്ഥിരീകരിച്ചിട്ടുണ്ട്. പ്രദേശവാസികളാണ് ദൃശ്യം പകർത്തിയത്. ഇതിന്റെ ഒരു കിലോമീറ്റർ ചുറ്റളവിൽ പുലിയെ പിടിക്കാൻ  കൂടുവച്ചിട്ടുണ്ട്.