വീട്ടിൽനിന്നും ദുർഗന്ധം; അന്വേഷണത്തിൽ വയോധിക ദമ്പതികള്‍ തൂങ്ങിമരിച്ച നിലയിൽ

റാന്നി∙ വയോധിക ദമ്പതികളെ വീട്ടിൽ മരിച്ച നിലയിൽ കാണ്ടെത്തി. പഴവങ്ങാടി പഞ്ചായത്തിൽ മുക്കാലുമൺ ചക്കുതറയിൽ സഖറിയ മാത്യു (76), ഭാര്യ അന്നമ്മ (73) എന്നിവരെയാണ് തൂങ്ങി മരിച്ച നിലയിൽ കണ്ടത്. വീട്ടിൽ ദമ്പതികൾ മാത്രമാണ് താമസിച്ചിരുന്നത്. ഇവരുടെ ഏകമകൻ എറണാകുളത്ത് ജോലി ചെയ്യുകയാണ്.

3 ദിവസം മുൻപ് മകൻ‌ വീട്ടിലെത്തിയിരുന്നു. 2 ദിവസമായി‌ മാതാപിതാക്കളെ ഫോണിൽ ബന്ധപ്പെട്ടിട്ടും കിട്ടാതെ വന്നതോടെ മകൻ, സമീപവാസിയായ ബന്ധുവിനെ വിട്ട് അന്വേഷിച്ചിരുന്നു. ഇതോടെ വീട്ടിൽനിന്നു ദുർഗന്ധമുണ്ടായത് ശ്രദ്ധയിൽപ്പെട്ടു. തുടർന്ന് പൊലീസിൽ വിവരം അറിയിക്കുകയായിരുന്നു.