വാഷിങ്ടൻ∙ മുസ്ലിം യുവതിക്ക് ഹിജാബ് ധരിച്ച് ബോക്സിങ്ങിൽ പങ്കെടുക്കാൻ യുഎസ് ബോക്സിങ് അസോസിയേഷന്റെ അനുമതി. രാജ്യത്ത് മൽസരത്തിൽ പങ്കെടുക്കുമ്പോൾ കൈകാലുകൾ പൂർണമായും മറയ്ക്കുന്ന വസ്ത്രമാവാം. മിനസോട്ട ഓക്ഡേലിലെ അമയ്യ സഫർ ആണ് (16) മതപരമായ തന്റെ അവകാശത്തിന് അനുമതി സമ്പാദിച്ചത്.
സ്ലീവ്ലെസ് ജഴ്സിയും കാൽമുട്ടിനു താഴേക്കിറങ്ങാത്ത ഷോട്സുമാണ് സാധാരണ ബോക്സർമാരുടെ വേഷം. 2020 ലെ ടോക്യോ ഒളിംപിക്സിൽ സ്വന്തം വേഷത്തിൽ മൽസരിക്കുകയാണ് അമയ്യയുടെ അടുത്ത ലക്ഷ്യം. അതിന് ഇന്റർനാഷനൽ ബോക്സിങ് അസോസിയേഷന്റെ അനുമതി ലഭിക്കണം.