ഷാങ്ഹായ്∙ ചൈനീസ് പ്രസിഡന്റ് ഷി ചിൻപിങ്ങിന്റെ പടമുള്ള പോസ്റ്ററിൽ മഷി കുടയുന്നതിന്റെ വിഡിയോ ട്വിറ്ററിലൂടെ തൽസമയം പോസ്റ്റ് ചെയ്ത യുവതി അറസ്റ്റിൽ. ജനാധിപത്യാവകാശ പ്രവർത്തക കൂടിയായ ദോങ് യാവോക്വിയോങ് (28) ആണ് അറസ്റ്റിലായത്. യുവതിയുടെ പിതാവിനെയും മറ്റൊരു പ്രവർത്തകനെയും കൂടി കസ്റ്റഡിയിലെടുത്തതായി യുഎസ് ആസ്ഥാനമായ ചൈനീസ് ഹ്യുമൻ റൈറ്റ്സ് ഡിഫൻഡേഴ്സ് പ്രവർത്തകർ ആരോപിച്ചു. ട്വിറ്ററിനു ചൈനയിൽ വിലക്കുണ്ടെങ്കിലും സെൻസറിങ് മറികടന്നു പ്രവർത്തിക്കുന്ന സോഫ്റ്റ്‌വെയർ ഉപയോഗിച്ചു ട്വിറ്റർ ഉപയോഗിക്കാം. അറസ്റ്റിനു പിന്നാലെ ദോങ്ങിന്റെ ട്വിറ്റർ അക്കൗണ്ട് അധികൃതർ റദ്ദാക്കി.
×
