ഒരാഴ്ചയ്ക്കുള്ളിൽ സിറിയയെ ഭീകരമുക്തമാക്കും: ട്രംപിന്റെ പ്രഖ്യാപനം
Mail This Article
×
വാഷിങ്ടൻ ∙ സിറിയയിലുള്ള ഇസ്ലാമിക് സ്റ്റേറ്റ് (ഐഎസ്) ഭീകരരിൽ അവശേഷിക്കുന്നവരെക്കൂടി ഒരാഴ്ചയ്ക്കുള്ളിൽ തുരത്തുമെന്നു യുഎസ് പ്രസിഡന്റ് ഡോണൾഡ് ട്രംപ്. ഐഎസിന്റെ 100 % പരാജയമാണു ലക്ഷ്യമിടുന്നതെന്നു ഭീകരവിരുദ്ധ സഖ്യസേനയുമായി ബന്ധപ്പെട്ട നയതന്ത്രപ്രതിനിധികളെ അഭിസംബോധന ചെയ്ത് ട്രംപ് പറഞ്ഞു.
യുഎസ് സൈന്യവും പങ്കാളികളും സിറിയയിലെ ജനാധിപത്യ ശക്തികളും ചേർന്ന് ഐഎസിനെ ഏതാണ്ടു മുഴുവനായും തുടച്ചുനീക്കിക്കഴിഞ്ഞു. ഭീകരരെ മുഴുവനും തുരുത്തിയെന്ന പ്രഖ്യാപനം അടുത്തയാഴ്ചയുണ്ടാകും. കഴിഞ്ഞ 2 വർഷത്തിനിടെയാണു ഇത്രയേറെ പുരോഗതി കൈവരിക്കാനായത്. സൈന്യത്തെ പിൻവലിക്കുന്നത് ഉടനെയില്ലെന്നും ട്രംപ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.