ദമ്പതികളെ കൊന്ന കേസ്: 3 പേരുടെ വധശിക്ഷ ശരിവച്ചു

ലഹോർ ∙ മതനിന്ദ ആരോപിച്ച് 2014 ൽ ലഹോറിൽ ക്രിസ്ത്യൻ ദമ്പതികളെ ജീവനോടെ ചുട്ടുകൊല്ലാൻ ആളുകളെ പ്രേരിപ്പിച്ച 3 പേർക്കുള്ള വധശിക്ഷ ഭീകരവിരുദ്ധ കോടതി ശരിവച്ചു. പുരോഹിതനടക്കം 2 പേരെ വിട്ടയയ്ക്കുകയും ചെയ്തു. യൂസഫ് ഗുജ്ജർ എന്നയാളുടെ ഇഷ്ടികച്ചൂളയിൽ ജോലി ചെയ്തിരുന്ന ഷഹ്സാദ് മസിഹയേയും ഗർഭിണിയായ ഭാര്യ ഷാമയെയും യൂസഫിന്റെ നേതൃത്വത്തിൽ ആയിരത്തോളം പേർ മർദിച്ചും വലിച്ചിഴച്ചും ചൂളയിൽ കൊണ്ടിട്ടാണ് കൊലപ്പെടുത്തിയത്. മതപുരോഹിതനായ ഹാഫിസ് ഇഷ്തിയാഖ് അടക്കം 5 പേർക്കാണ് നേരത്തെ വധശിക്ഷ വിധിച്ചിരുന്നത്.