നവാസ് ഷരീഫിന്റെ മകൾ മറിയം അറസ്റ്റിൽ
Mail This Article
×
ലഹോർ ∙ കോട് ലഖ്പത് ജയിലിൽ കഴിയുന്ന പാക്കിസ്ഥാൻ മുൻ പ്രധാനമന്ത്രി നവാസ് ഷരീഫിനെ കണ്ടു മടങ്ങുമ്പോൾ മകൾ മറിയം നവാസിനെ (45) പണം തട്ടിപ്പു കേസിൽ അറസ്റ്റ് ചെയ്തു. അഴിമതിക്കേസിൽ 7 വർഷത്തെ തടവുശിക്ഷയാണ് നവാസ് അനുഭവിക്കുന്നത്.
വരുമാനത്തിൽ കവിഞ്ഞു പണം സമ്പാദിച്ചതിനും പണം തട്ടിപ്പിനും ജൂലൈ 31ന് മറിയത്തെ ചോദ്യം ചെയ്തിരുന്നു. ഇതിന്റെ തുടർച്ചയായി ചൗധരി ഷുഗർ മിൽസ് കേസിലാണ് അറസ്റ്റെന്ന് നാഷനൽ അക്കൗണ്ടബിലിറ്റി ബ്യൂറോ അറിയിച്ചു. മറിയത്തിന്റെ കസിൻ യൂസഫ് അബ്ബാസിനെയും അറസ്റ്റ് ചെയ്തിട്ടുണ്ട്. ഇരുവരെയും ഇന്നു ലഹോറിലെ നാഷനൽ അക്കൗണ്ടബിലിറ്റി കോടതി മുൻപാകെ ഹാജരാക്കും.
പാക്കിസ്ഥാൻ മുസ്ലിം ലീഗ്–നവാസ് വൈസ് പ്രസിഡന്റായ മറിയം കശ്മീർ പ്രശ്നത്തിന്റെ പേരിൽ പ്രധാനമന്ത്രി ഇമ്രാൻ ഖാനെ കഴിഞ്ഞ ദിവസം ശക്തമായി വിമർശിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.