എന്റെ സ്വപ്നങ്ങളും ബാല്യവും നിങ്ങൾ കവർന്നു

യുണൈറ്റഡ് നേഷൻസ്∙ പൊള്ളയായ വാക്കുകൾ കൊണ്ട് നിങ്ങൾ എന്റെ സ്വപ്നങ്ങൾ കവർന്നു, ബാല്യം മോഷ്ടിച്ചു. എന്നിട്ടും ഞാനുൾപ്പെടുന്ന യുവതലമുറയുടെ മുന്നിൽ പ്രതീക്ഷയർപ്പിച്ചു നിങ്ങൾ വരുന്നു. എങ്ങനിതിനു ധൈര്യം വരുന്നു?–  യുഎൻ കാലാവസ്ഥാ അടിയന്തര ഉച്ചകോടിക്കെത്തിയ, പരിസ്ഥിതി മുന്നേറ്റത്തിലെ പുതിയ താരോദയമായ സ്വീഡിഷ് കൗമാരക്കാരി  ഗ്രെറ്റ ട്യുൻബർഗ് ലോകനേതാക്കളോടു തുറന്നു ചോദിച്ചു. ശ്രദ്ധയാകർഷിക്കാൻ യുഎസിലെ പ്രധാന നഗരങ്ങളിലെ ഗതാഗതം തടഞ്ഞ പരിസ്ഥിതി പ്രവർത്തകർ ബോട്ടുകളിൽ സംഘമായി എത്തുകയായിരുന്നു.