യുഎസ് തൊഴിൽവീസ നിരക്ക് കൂട്ടി

വാഷിങ്ടൻ ∙ എച്ച്–1ബി തൊഴിൽവീസയുടെ അപേക്ഷാ ഫീ 10 ഡോളർ വർധിപ്പിച്ചു. ഉയർന്ന യോഗ്യതയുള്ള വിദേശ പ്രഫഷനലുകളുടെ താൽക്കാലിക നിയമനത്തിനാണ് യുഎസ് കമ്പനികൾ എച്ച്–1ബി വീസ സമ്പ്രദായം ഉപയോഗിക്കുന്നത്. ഏറ്റവും കൂടുതൽ ഈ വീസയ്ക്ക് അപേക്ഷിക്കുന്നത് ഇന്ത്യക്കാരായ ഐടി പ്രഫഷനലുകളാണ്.

പുതിയ ഇലക്ട്രോണിക് റജിസ്ട്രേഷൻ സംവിധാനത്തിന്റെ ഭാഗമായാണു നിരക്കു വർധിപ്പിച്ചതെന്ന് യുഎസ് അധികൃതർ വ്യക്തമാക്കുന്നു. പ്രതിവർഷം അനുവദിക്കുന്ന എച്ച്–1ബി വീസകളുടെ എണ്ണം ട്രംപ് ഭരണകൂടം വെട്ടിക്കുറച്ചിരുന്നു. ഈയിനം വീസയ്ക്ക് നിലവിൽ 5000 ഡോളർ ചെലവുവരും.