sections
MORE

ഗൾഫ് രാജ്യങ്ങളിൽ നാശം വിതച്ച് കനത്ത മഴ

Rain-alert3
പ്രതീകാത്മക ചിത്രം
SHARE

ദുബായ് ∙ ഗൾഫ് രാജ്യങ്ങളിൽ മിക്കയിടത്തും പെയ്ത കനത്തമഴ ജനജീവിതത്തെ ബാധിച്ചു. യുഎഇയിൽ ഇടിമിന്നലോടെ പെയ്ത മഴയിൽ പരക്കെ നാശം. ചില വിമാന സർവീസുകളെയും ബാധിച്ചു. പ്രധാന ഷോപ്പിങ് മാളുകളിലടക്കം വെള്ളം കയറി. വാഹനഗതാഗതം തടസ്സപ്പെട്ടു.

കനത്ത മഴയിൽ ദുബായ് മാളിലെ ചില ഷോപ്പുകൾ വെള്ളത്തിൽ കുതിർന്നു. മുകൾഭാഗത്തു നിന്ന് കുത്തിയൊഴുകിയ വെള്ളം തടയാൻ തൊഴിലാളികൾ രംഗത്തിറങ്ങി. ലോകത്തിലെ പ്രമുഖ വ്യാപാര സമുച്ചയത്തിലെ ചോർച്ച സന്ദർശകർ മൊബൈലിൽ പകർത്തിയത് വ്യാപകമായി പ്രചരിച്ചു.

അബുദാബിയിൽ മരങ്ങൾ കടപുഴകി. ഉച്ചയ്ക്കു തുടങ്ങിയ മഴ വൈകിട്ടുവരെ തുടർന്നു. നിർമാണമേഖലകളിൽ നിന്നു ലോഹ ഷീറ്റുകളും മറ്റും പറന്നുവീണു വാഹനങ്ങൾക്കു കേടുപറ്റി. ക്രെയിനുകൾ നിലം പതിച്ചു. ലൂവ്ര് അബുദാബി മ്യൂസിയത്തിലും വെള്ളം കയറി. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WORLD
SHOW MORE
FROM ONMANORAMA