ട്രാൻസിറ്റ് വീസ നീട്ടാനാവില്ല: യുഎഇ

അബുദാബി ∙ ദീർഘദൂര യാത്ര നടത്തുന്നവർക്കു നൽകുന്ന ട്രാൻസിറ്റ് വീസകൾ പുതുക്കാനോ സമയ പരിധി ദീർഘിപ്പിക്കാനോ യുഎഇയിൽ അനുവാദമില്ലെന്ന് അധികൃതർ.  48 മണിക്കൂർ കാലാവധിയിൽ നൽകുന്ന ട്രാൻസിറ്റ് വീസകൾ സൗജന്യമാണ്. 96 മണിക്കൂർ കാലാവധിയുള്ള വീസയ്ക്ക് 50 ദിർഹം (ഏകദേശം 970 രൂപ) നൽകണം. നിശ്ചിത സമയം വരെ യുഎഇയിൽ സഞ്ചരിക്കാനാകും. കാലാവധി തീരും മുൻപ് ട്രാൻസിറ്റ് വീസക്കാർ രാജ്യം വിടണമെന്നും അധികൃതർ അഭ്യർഥിച്ചു. താമസ കുടിയേറ്റ വകുപ്പിന്റെ ഇ-ചാനലുകൾ വഴിയാണ് വീസയ്ക്ക് അപേക്ഷിക്കേണ്ടത്.

English Summary: Cannot extend transit visa says UAE