ഫുൾട്ടൻ ഷീനിനെ വാഴ്ത്തപ്പെട്ടവൻ ആക്കുന്നത് നീട്ടി വത്തിക്കാൻ

വത്തിക്കാൻ സിറ്റി ∙ ധന്യനായ ഫുൾട്ടൻ ഷീനിനെ വാഴ്ത്തപ്പെട്ടവനാക്കുന്നതു വത്തിക്കാൻ നീട്ടി. യുഎസിൽ ആർച്ച് ബിഷപ് ആയിരുന്ന ഷീനിനെ 21ന് ഇല്ലിനോയിലെ ചടങ്ങിൽ വാഴ്ത്തപ്പെട്ടവനായി പ്രഖ്യാപിക്കാനിരിക്കെയാണ് അസാധാരണ നടപടി. പുതിയ തീയതി പ്രഖ്യാപിച്ചിട്ടില്ല. ടിവി സുവിശേഷത്തിലൂടെ പേരുകേട്ട ആർച്ച് ബിഷപ് ഷീനിന്റെ മധ്യസ്ഥതയിൽ നടന്ന അദ്ഭുതം മാർപാപ്പ അംഗീകരിച്ചതോടെ, അദ്ദേഹത്തെ വാഴ്ത്തപ്പെട്ടവനാക്കുമെന്നു ജൂലൈയിൽ പ്രഖ്യാപിച്ചിരുന്നു.