സ്വയം നിർമിച്ച റോക്കറ്റിൽ ‘മാഡ് മൈക്കി’ന് അന്ത്യയാത്ര
Mail This Article
കലിഫോർണിയ ∙ നിഗൂഢതകൾ ഒളിപ്പിച്ച ജീവിതവും സാഹസികത നിറഞ്ഞ പ്രവർത്തനങ്ങളുമായി ലോകശ്രദ്ധ പിടിച്ചുപറ്റാൻ ഇനി ‘മാഡ് മൈക്’ ഇല്ല. സ്വയം നിർമിച്ച റോക്കറ്റിന്റെ വിക്ഷേപണ സമയത്തുണ്ടായ അപകടത്തിൽ മാഡ് മൈക് എന്ന മൈക് ഹ്യൂഗ്സിന് (64) ദാരുണാന്ത്യം. സാഹസിക യാത്രകൾ നടത്തിയും ഭൂമി പരന്നതാണെന്ന വാദത്തിലൂടെയുമായിരുന്നു മൈക് വാർത്തയിൽ ഇടം പിടിച്ചത്.
കലിഫോർണിയയിലെ സ്വകാര്യ സ്ഥലത്തായിരുന്നു മൈക് സ്വയം നിർമിച്ച ആവി എൻജിനിൽ പ്രവർത്തിക്കുന്ന റോക്കറ്റിന്റെ വിക്ഷേപണം ഒരുക്കിയിരുന്നത്. എന്നാൽ വിക്ഷേപണത്തിനു തൊട്ടുപിന്നാലെ റോക്കറ്റ് തകർന്നു വീഴുകയായിരുന്നെന്നും മൈക് സംഭവസ്ഥലത്തു തന്നെ മരിച്ചെന്നുമാണു റിപ്പോർട്ട്. മാഡ് മൈക്കിന്റെ അന്ത്യയാത്ര എന്ന പേരിൽ സമൂഹ മാധ്യമങ്ങളിലും റോക്കറ്റ് തകർന്നുവീഴുന്ന ദൃശ്യങ്ങൾ പ്രചരിക്കുന്നുണ്ട്. എന്നാൽ, മരിച്ചത് മാഡ് മൈക്കാണെന്നു പൊലീസ് സ്ഥിരീകരിച്ചിട്ടില്ല.
English summary: Mad Mike dies