sections
MORE

കോവിഡ്: മനു ഡിബാങ്കൊ അന്തരിച്ചു

manu
മനു ഡിബങ്കൊ
SHARE

പാരിസ് ∙ ജാസിൽ ആഫ്രിക്കൻ ഈണങ്ങളും സാക്സൊഫോൺ താളമേളവുമായി ലോകത്തെ നൃത്തം ചെയ്യിപ്പിച്ച മനു ഡിബാങ്കൊ (86) കോവിഡ് ബാധിച്ചു മരിച്ചു. ഈ മാസം ആദ്യമാണു രോഗം സ്ഥിരീകരിച്ചത്. പാരിസിലെ ആശുപത്രിയിൽ ഇന്നലെ മരിച്ചു. 

ആഫ്രിക്കൻ രാജ്യമായ കാമറൂണിൽ 1933 ൽ ജനിച്ച ഡിബാങ്കൊ 1950 കളിലാണു പാരിസിലേക്കു കുടിയേറിയത്. സാക്സൊഫോണിനോടായിരുന്നു ഏറ്റവുമിഷ്ടമെങ്കിലും പിയാനോയും ഓർഗനുമൊക്കെ മനോഹരമായി വായിച്ചിരുന്നു. സോൾ മകൂസ (1972) എന്ന പാട്ടിലൂടെ പ്രശസ്തിയുടെ കൊടുമുടിയിലെത്തി.

ഈ പാട്ടിന്റെ ഈരടികൾ അനുവാദമില്ലാതെ ഉപയോഗിച്ചതിനു 2009 ൽ മൈക്കൽ ജാക്സനെതിരെ കേസു കൊടുത്തതു വലിയ വാർത്തയായിരുന്നു. സോൾ മകൂസ പാട്ട് പാട്ടുകാരനെക്കാൾ പ്രശസ്തമായതോടെ പകർപ്പവകാശം ഉപേക്ഷിച്ചും ഡിബാങ്കൊ മാതൃകയായി. 

English summary: COVID 19; Manu Dibango dies

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WORLD
SHOW MORE
FROM ONMANORAMA