സൗദിയിൽ മരണം 8; രോഗികൾ 1299
Mail This Article
റിയാദ് ∙ കോവിഡ് ബാധിച്ച് 4 പേർ കൂടി മരിച്ചതോടെ സൗദിയിൽ മരണം 8 ആയി. 96 പേർക്കു കൂടി രോഗം സ്ഥിരീകരിച്ചതോടെ കോവിഡ് ബാധിതർ 1299. സുഖം പ്രാപിച്ചവർ 66. ആഭ്യന്തര – രാജ്യാന്തര വിമാനയാത്രയ്ക്കുള്ള വിലക്കും സർക്കാർ, സ്വകാര്യ ഓഫിസ് അവധിയും അനിശ്ചിതകാലത്തേക്കു നീട്ടി. ജിദ്ദയിലും കർഫ്യൂ സമയം ഉച്ചകഴിഞ്ഞു 3 മുതൽ രാവിലെ 6 വരെ.
മറ്റു ഗൾഫ് രാജ്യങ്ങളിലെ സ്ഥിതി
∙ ഒമാൻ: രാജ്യാന്തര – ആഭ്യന്തര വിമാന സർവീസുകൾ റദ്ദാക്കി. മുസന്ദം ഗവർണറേറ്റിലേക്കുള്ള സർവീസുകൾക്കു മാത്രം ഇളവ്. 15 പേർക്കു കൂടി രോഗം സ്ഥിരീകരിച്ചതോടെ കോവിഡ് ബാധിതർ 167. സുഖപ്പെട്ടവർ 23.
∙ യുഎഇ: അബുദാബിയിൽ 5 മിനിറ്റിനകം കോവിഡ് പരിശോധന നടത്താവുന്ന ഡ്രൈവ് ത്രൂ സംവിധാനം സായിദ് സ്പോർട്സ് സിറ്റിയിൽ. ഫലം 6 മണിക്കൂറിനുള്ളിൽ. ഷാർജ, അജ്മാൻ, ഉമ്മുൽഖുവൈൻ കോടതികൾ വാദം കേൾക്കുന്നതു നിർത്തി. ഷാർജയിലെ എല്ലാ പൊതുപരിപാടികളും ഏപ്രിൽ 30 വരെ മാറ്റി. യുഎഇയിൽ താമസ വീസയുള്ള 29,000 പേർ വിദേശരാജ്യങ്ങളിൽ കുടുങ്ങിക്കിടക്കുന്നു. മരണം 2. രോഗികൾ 468. സുഖപ്പെട്ടവർ 55.
∙ ഖത്തർ: പൊതു ഇടങ്ങളിലെ ഒത്തുകൂടൽ വിലക്കു ലംഘിക്കുന്നവരെ പിടികൂടാൻ പട്രോളിങ് ശക്തം. രോഗികൾ 590. സുഖപ്പെട്ടവർ 45.
∙ കുവൈത്ത്: ആകെയുള്ള 188 കോവിഡ് രോഗികളിൽ 17 ഇന്ത്യക്കാർ. സുഖപ്പെട്ടവർ 67.
∙ ബഹ്റൈൻ: ഗൾഫ് രാജ്യങ്ങളിൽ ഏറ്റവും കൂടുതൽ രോഗവിമുക്തർ ഇവിടെ. രോഗികൾ 499. സുഖപ്പെട്ടവർ 272. മരണം 4.
English summary: COVID 19 death toll Saudi Arabia