പ്രതിഷേധ ഗാനം നിലച്ചു; ഹെലിൻ ഒരു പാട്ടോർമ്മ

അങ്കാറ ∙ തുർക്കിയിലെ പ്രശസ്ത നാടോടി ഗായിക ഹെലിൻ ബോലെക് (28) നിരാഹാര സമരത്തിനിടെ മരിച്ചു. ഹെലിൻ അംഗമായ ഗ്രൂപ്പ് യോറം എന്ന ബാൻഡിന് സർക്കാർ ഏർപ്പെടുത്തിയ നിരോധനം പിൻവലിക്കണം എന്നാവശ്യപ്പെട്ട് 288 ദിവസമായി ഇസ്തംബുളിൽ സമരത്തിലായിരുന്നു ഹെലിനും സഹഗായകൻ ഇബ്രാഹിംഗോക്ചെകും.

പ്രതിഷേധ സ്വരത്തിന്റെ പടപ്പാട്ടുകളുമായി 2016ൽ രംഗത്തു വന്ന ബാൻഡാണിത്. നിരോധിക്കപ്പെട്ട ഭീകര സംഘടന റവല്യൂഷണറി പീപ്പിൾസ് പാർട്ടിയുമായി ബന്ധമുണ്ടെന്നാരോപിച്ചാണ് സർക്കാർ ബാൻഡ് നിരോധിച്ച് ഗായകരെ ജയിലിൽ അടച്ചത്. ഹെലിനും മറ്റും നവംബറിൽ ജയിൽ മോചിതയായെങ്കിലും പാടാനുള്ള അവകാശത്തിനായി സമരത്തിലായിരുന്നു.

English summary: Helin Bolek passes away