കോവിഡ്: രോഗികൾ 60,000 കടന്ന് സൗദി
Mail This Article
റിയാദ്∙ 2691 പേർക്കു കൂടി കോവിഡ് സ്ഥിരീകരിച്ചതോടെ സൗദിയിൽ ആകെ രോഗികൾ 62,545. ഇവരിൽ പകുതിയിലേറെപ്പേർ രോഗമുക്തി നേടി ആശുപത്രി വിട്ടു. 10 പേർ കൂടി മരിച്ചതോടെ ആകെ മരണം 339. ആശുപത്രിയിൽ കഴിയുന്നവരിൽ 276 പേരുടെ നില ഗുരുതരം.
ഒമാനിൽ 3 മരണം കൂടി. പുതിയ രോഗികൾ 372. ഇവരിൽ 220 വിദേശികളും. 1661 പേർ സുഖം പ്രാപിച്ചു. രാജ്യത്തെ രോഗബാധിതരിൽ 83 ശതമാനവും 15 നും 50നും ഇടയിൽ പ്രായമുള്ളവർ. മരണം 29. രോഗബാധിതർ 6043.
ഖത്തറിൽ ഒരു പ്രവാസി കൂടി മരിച്ചതോടെ ആകെ മരണം 16. രോഗബാധിതർ 37,097. സുഖപ്പെട്ടവർ 6,600. കുവൈത്തിൽ 261 ഇന്ത്യക്കാർ ഉൾപ്പെടെ 804 പേർക്കു കൂടി രോഗം സ്ഥിരീകരിച്ചു. രോഗബാധിതർ 17568. ഇന്ത്യക്കാർ 5667. മരണം 124. രോഗമുക്തർ 4885. ബഹ്റൈനിൽ ചികിത്സയിൽ കഴിയുന്നവർ 4497. 9 പേരുടെ നില ഗുരുതരം. രോഗമുക്തർ 3334. മരണം 12.
English Summary: Covid Gulf Roundup