റെക്കോർഡ് ഇന്റർനെറ്റ് വേഗം കൈവരിച്ച് ഓസ്ട്രേലിയ

സിഡ്നി ∙ ഓസ്ട്രേലിയൻ ഗവേഷകർ ഒപ്റ്റിക്കൽ ഫൈബറിൽ സെക്കൻഡിൽ 44.2 ടെറാബിറ്റ്സ് (44.2 ലക്ഷം കോടി ബിറ്റ്സ്) ഇന്റർനെറ്റ് വേഗം കൈവരിച്ചതായി അവകാശപ്പെട്ടു. ഇപ്പോൾ ലഭ്യമായ ഇന്റർനെറ്റ് വേഗത്തിന്റെ ലക്ഷക്കണക്കിനു മടങ്ങാണിത്.

ഈ വേഗംകൊണ്ട് ഒറ്റ സെക്കൻഡിൽ 1000 എച്ച്ഡി സിനിമകൾ ഡൗൺലോഡ് ചെയ്യാൻ കഴിയുമെന്നു ഗവേഷകർ പറയുന്നു. ഓസ്ട്രേലിയയിലെ സ്വിൻബേൺ, മൊണാഷ്, ആർഎംഐടി സർവകലാശാലകളിലെ ഗവേഷകരാണു കണ്ടുപിടിത്തത്തിനു പിന്നിൽ.

ഒപ്റ്റിക്കൽ ഫൈബറിൽ മൈക്രോ കോംബ് എന്ന സംവിധാനം ഏർപ്പെടുത്തിയാണ് ഈ നേട്ടം സാധിച്ചത്. മെൽബൺ നഗരത്തിൽ 76.6 കിലോമീറ്റർ ദൈർഘ്യമുള്ള കേബിളിലായിരുന്നു പരീക്ഷണം. 

English summary: Australia records fastest internet speed