കോവിഡ്: സൗദിയിൽ 400 കടന്ന് മരണം
Mail This Article
റിയാദ്, ദുബായ്, കുവൈത്ത് സിറ്റി∙ 12 പേർ കൂടി മരിച്ചതോടെ സൗദിയിൽ കോവിഡ് ബാധിച്ചു മരിച്ചവർ 411. പുതുതായി രോഗം സ്ഥിരീകരിച്ചത് 1,931 പേർക്ക്. 24 മണിക്കൂറിനിടെ 2,782 പേർ രോഗ മുക്തി നേടി. രോഗബാധിതർ 76,726. സുഖപ്പെട്ടവർ 48,450. മരണം 411
കുവൈത്തിൽ രോഗ മുക്തരുടെ എണ്ണം വർധിക്കുന്നു. 685 പേർക്കു രോഗം ഭേദമായതോടെ സുഖപ്പെട്ടവർ 7306 . പുതുതായി 200 ഇന്ത്യക്കാർ ഉൾപ്പെടെ 608 പേർക്ക് രോഗം സ്ഥിരീകരിച്ചതോടെ രോഗികൾ 22575. ഇന്ത്യക്കാർ 7230. ഏഴു പേർ മരിച്ചതോടെ മരണം 172. ഖത്തറിൽ മരണനിരക്കും രോഗബാധിതരുടെ എണ്ണവും ഉയരുന്നു. ഏഴു ദിവസത്തിനിടെ മരണം 15 ൽ നിന്ന് 28 എത്തി. മലയാളി ഉൾപ്പെടെ രണ്ടു പേരാണ് ഇന്നലെ മരിച്ചത്. രോഗബാധിതർ 47,207. സുഖപ്പെട്ടവർ 11,844.
യുഎഇയിൽ മലയാളികൾ ഉൾപ്പെടെ 5 പേർ കൂടി മരിച്ചു. 779 പേർക്കു കൂടി രോഗം സ്ഥിരീകരിച്ചു. 325 പേർ രോഗമുക്തി നേടി. രോഗബാധിതർ 31,086. സുഖപ്പെട്ടവർ 15,982. മരണം 253.
ഒമാനിൽ 348 പേർക്കു കൂടി രോഗബാധ. ആകെ രോഗികൾ 8,118. തലസ്ഥാനമായ മസ്കത്തിൽ മാത്രം രോഗികൾ 6,171. ബഹ്റൈനിൽ 52 പേർക്കു കൂടി രോഗബാധ. ചികിത്സയിലുള്ള 4293 പേരിൽ 9 പേരുടെ നില ഗുരുതരം. രോഗമുക്തർ 4916. മരണം 14.
English Summary: Covid Saudi update